عصام كاريكا: عمرو دياب أذكى من تامر حسني وحماقي.. ”وهما عارفين كده”
قال الفنان عصام كاريكا أن كل من عمرو دياب وتامر حسني ومحمد حماقي لديهم جيش كبير من الجمهور، ولكن عمرو دياب لديه ذكاء خارق، إزاي يظهر وإزاي يختفي، وأنا معاشره في حاجات كتير. وأضاف عصام كاريكا خلال حلقته ببرنامج «كلام الناس» الذي تقدمه الإعلامية ياسمين عز: «تامر حسني السينما فادته كتير، واتحب أكثر كممثل، وحماقي الموسيقى بتاعته هي أهم موسيقى في الثلاثة، وبيهتم جدا بنوع الموسيقى اللي بيقدمها للجمهور».
وتابع كاريكا: «كل واحد من التلاته له ميزة.. لكن طبعا عمرو أذكى منهم وفارق عنهم وهما عارفين كده، فارق في التاريخ والخبرة والسن». وعلق الفنان والملحن عصام كاريكا على تصدره تريند مؤشر البحث الشهير «جوجل»، خلال الأيام الماضية، وذلك بعد خطوبة ابنته، قائلًا: «الناس فكرت إني إتجوزت ولكن دي بنتي». وأضاف: «كنت حاسس إن بنتي أول أمبارح كانت طفلة، وفجأة بقت عروسة، وأنا بحب أفصل حياتي الشخصية عن الفنية». وتابع: «أول مرة أبقى تريند بعيدًا عن الفن والغناء، ودي سُنة الحياة، أن الأولاد يكبروا ويتجوزوا، أصلًا أنا هربت من عريس بنتي أسبوع، وفي الآخر قعدت معاه، وطلع إنسان جميل وابن ناس، ونصحته قولت له إن مي دي عندي في حتة تانية خالص، أهم حاجة متزعلهاش، ولو زعلتها أنا هزعل».
