رجل يعتدي على زوجته بجنون..هاشتاج انقذوا ماري مجدي يتصدر تويتر
دشن رواد مواقع التواصل الاجتماعي هاشتاج انقذوا ماري مجدي، وذلك بعد أن انتشر فيديو لإمراة تعنف من زوجها بشكل كبير.
وجاءت تغريدات رواد تويتر كالتالي:"فيديو مش لازم ينتشر بس هو لواحدة بتتضرب من جوزها بجنون بخشبة كبيرة ويا عالم حالتها إيه دلوقتي، انشروا الهاشتاج بس عشان جوزها يتحبس".
وأضاف آخر الفيديو محزن ازاي حد يجيله قلب يضرب إنسان كدا ودي مش بس إنسان عادي دي كمان مراته اتمنى يتجاب #انقذوا_ماري_مجدي".
وعبر آخر: “الفيديو بشع جدا ما انصحش حد يشوفه، بس ميزة الكاميرات انها بقت بتكشف إيه اللي بيحصل بالظبط، مش عارفة الست دي وآلاف غيرها حل اللي هما فيه ده إيه لازم حل #انقذوا_ماري_مجدي”.
يذكر أن استغاثت المواطنة ماري مجدى ونيس بالنائب العام والمواطنين عبر صفحتها الشخصية على موقع التواصل الاجتماعي فيسبوك بعد تعرضها للضرب والإهانة من زوجها.
ونشرت فيديو سجل واقعة الضرب من كاميرات الخاصة بالعقار السكني، وكتبت: "أنا اتعرضت للضرب والإهانة كذا مرة وبلغت الشرطة لأن مفيش أي جديد والمرة دي كنت متهددة بالسلاح انا وبناتي"
وأكملت:" لكن ربنا سترها والسكينة مدخلتش في جنبي ،حقي أنا وعيالي لازم يرجع وهو لازم يتحاسب، استغاثة للنائب العام، حقي وحق عيالي لازم يرجع".
