تعرف على فتاة تتر برنامج نادي السينما.. لغز ينكشف بعد 40 عاما
لطالما حير الجمهور لغز الفتاة الصغيرة التي تظهر بتتر البرنامج الشهير "نادي السينما" التي كانت تقدمه الإعلامية المصرية درية شرف الدين، وتسائلوا عن هوية الفتاة التي تظهر على وجهها ملامح البرائة والرعب في آن واحد.
وبعد مرور 40 عاما على انطلاق البرنامج في سبعينيات القرن الماضي، كشف الكاتب سمير عمران لغز "هوية فتاة تتر نادي السينما" الذي حير الجمهور لسنوات عديدة.
وكتب سمير عمران عبر حسابه الشخصي بموقع "فيس بوك" :" قولتلكم كذا مرة قبل كده إني عاوز اسيب السوشيال ميديا بس فاضلي كام موضوع أكتب عنهم قبل ما امشي .. كان منهم سلسلة مقالات بجهز فيها من سنتين عن "رحلة البحث عن فتاة تتر نادي السينما" .. كل مقال موضوعه عن فيلم موجود منه لقطات في التتر و ازاى اتلقت اللقطة .. و كنت فكرت أجمع المقالات دي في كتاب بنفس الإسم و احطه أونلاين بصيغة "بي دي إف".
وأضاف:" المقالات أو الكتاب كنت مأجل نزولهم لحد ما الاقي كل لقطات التتر .. بالفعل لقيت أغلبهم أو على الأقل مصدرهم لإن بعض اللقطات و إن كان معروف مصدرها بالزمان و المكان و الحدث فمصدر اللقطات نفسه مش متوافر حالياً (على سبيل المثال : المؤتمر الصحفي لفيلم "العودة للوطن" في مهرجان كان سنة 1978) مثلا .. لكن درة التاج لقطة نهاية التتر مكنتش لقيتها و لا لقيت خيط يوصل ليها .. مش عاوز أقول أنا في حياتي شوفت كام فيلم لإنهم على أقل تقدير عشرات الألاف (بدون أي مبالغة) من كل أنواع الأفلام من أقصى الفنية إلى أقصى التجارية و من أغلب سينمات العالم .. عشان كده كان شئ مستفز و محفز جداَ ليا إن اللقطة دي معدتش عليا ابداً في عمري اللي بيقترب من نص قرن معملتش فيهم تقريباً غير الفرجة على الأفلام و البحث عن خلفيات صناعتها".
وعن مكتشف اللقطة قال عمران:"لحد من يومين بس تواصل معايا شخص معرفوش إسمه "عبد الرحمن هشام" على رسايل الأذرز لإنه مش فريند فيسبوك واتكلمنا عن التتر و تبادلنا بعض المعلومات عن اللقطات و طبعاً اتكلمنا عن اللقطة الملعونة العصية على الظهور لفتاة نهاية تتر برنامج نادي السينما .. اللقطة إللي اتحلل كل جزء فيها من أول لبس البنت و إيدها المربوطة و مدلولات دا عن تعرضها لحرق مثلا لحد الطراز المعماري للبيت إللي واقفة قدامه مروراً برقم البيت و نوع الشجر و شكل السور الحديد و غيرها من التفاصيل لمحاولة الوصول لطرف الخيط".
واختتم سمير عمران حديثه:" النهارده الفجر بعتلي "عبد الرحمن هشام" عشان يعلن وصوله (مكتوبالك يا عبده) أخيرا .. أخيرا.. أخيرا .. لحل اللغز .. عبد الرحمن لقاها إنهارده الفجر 8 نوفمبر 2021 بعد 40 سنة على وضع اللقطة دي في تتر البرنامج .. اللقطة من فيلم "فيليسيتيه" سيرة ذاتية من تأليف و إخراج "كريستين باسكال" و البنت في اللقطة هية "جوديت فورني" و قامت بدور "فيليسيتيه" في طفولتها و دا دورها الوحيد في السينما".
الفتاة التي حيرت المشاهدين طوال الأربعين عاما الماضية هي جوديث فورني، واللقطة الشهيرة هي من الفيلم الفرنسي Félicité من إنتاج عام 1979.
الفيلم من تأليف وإخراج الممثلة الفرنسية كريستين باسكال ويقدم سيرة ذاتية لها، ولعبت الفتاة دورها في مرحلة الطفولة بالفيلم وكان هذا الدور هو الأول والأخير لها بالسينما.
