غادة عبد الرازق: أصحابي دايما بيخنوني وجابولي مصايب | فيديو
قالت الفنانة غادة عبد الرازق: "مليش حظ في الصحاب، ودايمًا بيخنوني وبيعرَّضوني لمصايب، والسبب الوحيد اللي يخليهم يعملوا كده أنهم بيغيروا منِّي".
غادة عبد الرازق والوسط الفني
وأضافت خلال لقائها ببرنامج "كلام الناس" المذاع على قناة "إم بي سي مصر": "وقفت جنب ناس كتير في أزماتهم وهما موقفوش معايا بس هما مش فارقين معايا، وعمري في حياتي ما قربت من حد في الوسط الفني، ووقفت مع ناس في وقت الشدة وبعد لما شدتهم انتهت مسألوش فيا ولا عبروني".
نية غادة عبد الرازق
ولفتت: "ربنا يقعدلي نيتي الصافية وكل الوقعات اللى وقعتها ربنا اللى خرجني منها مش بتوع الوسط الفني اللى وقفت معاهم".
العلاقة مع ياسمين صبري
وتابعت: "مرفضتش تقاسم البطولة مع ياسمين صبري لكن القصة كانت متعلقة ان الورق مكنش جاهز الا 3 حلقات، فاعتذرت وانا بحب ياسمين".
حوت تمثيل
وأكملت: "جسمي بيقشعر لما بيقولوا عليا حوت تمثيل وبحس ان ربنا انعم عليا بنعمة كبيرة".
وشاركت غادة عبد الرازق الجمهور مجموعة صور لخطوبة ابنتها، وعلقت قائلة:" تهانينا حبيبتي روحي كل شيء في هذه الحياة أتمنى أن تعطيك الحياة القادمة كل ما تريدين لأنك تستحقين.. أحبك كثيرًا".
وفي سياق آخر كشفت الفنانة غادة عبد الرازق لأول مرة عن سبب عدم حضورها المهرجانات المختلفة التي تُقام في مصر.
وقالت "عبد الرازق" أثناء لقاء سابق لها في برنامج MBC Trending: إنها لا تحب التواجد في المهرجانات؛ حيث أوضحت قائلة: "الناس في منتهى الاحترام وبيعزموني.. بس هي تركيبة شخصيات، وأنا مش من الشخصيات اللي تلبسيها وتقولي لها أمشي على الريد كاربت".
