فوز مصر على الستغال | ”مدحت شلبى” يتصدر التريند ومغردون ”ياندالا .. بطل ندالة”
حقق المنتخب الوطني الأول الفوز أمام نظيره السنغال بهدف دون رد في المباراة التي أقيمت بينهما علي ستاد القاهرة، ضمن منافسات التصفيات الإفريقية المؤهلة لكأس العالم 2022.
وقام بالتعليق على مبار الامس المعلق الرياضى مدحت شلبى مما أثار رواد السوشيال على تعلقيه الساخر ودشن رواد «السوشيال ميديا» هاشتاج «#مدحت شلبي »، ليتصدر قائمة الأكثر تداولا على تويتر.
وتداول عدد من المغردين، معلقاً «روقان مدحت شلبي» ، فكتبت حنان:«لاعب من السنغال اتصاب الحمد لله »، وكتبت فريدة: «ياندالا .. بطل ندالة »، وكتب عادل :«ايه يا نداله ما بلاش نداله»، وكتب عمرو: «غالباً أكتر حاجة بتميز مدحت شلبي عن أي معلق غيره إنه بيتقمص دور جوز خالتك اللي مش بيبطل تعليقات على أي حاجة قدامه في الماتش ف تحس إنه لابس الترنج وبيعلق وهو قاعد جنبك على الكنبة».
وكتب ياسين :«مدحت شلبي محسسني انه بيعلق ع ماتش مرجان فعلا»، وكتب يوسف: «مدحت شلبي : لا يا عبده صحتك بالدنيا اخرج اقعد بره» .
وكتبت فاتن :«"اقعد يا عبده شوية، صحتك أهم من أي مباراة يابني" - مدحت شلبي» ، وكتبت سلوى :«آخرها بطانيتين ولحاف.. إفيهات في ليلة فوز المنتخب على السنغال» ، وكتبت منال :«مدحت شلبي الشوط الأول: السنغال فرقة عادية والله وقلقانه مننا فى الشوط التاني: قدرات لاعيبة السنغال كبيرة أوي» ، وكتبت سماء :«وده بيلعب في اليونان مع الزيتون الكالاماتا.» ، وكتبت سناء :«يا سلام عليك يا مصطفي، يا سلام لو زقتها بالزلموكة»، وكتبت اسراء :« ماني النهارده مريح، خليك كده يابني ليفربول أولي بيك» .
