عمرو زكي: مصاحب بنات كتير.. وزعلت من منة فضالي بسبب صورة مثيرة | فيديو
قال عمرو زكي، لاعب نادي الزمالك ومنتخب مصر السابق: "علاقاتي النسائية مدمرتش مسيرتي الكُروية زي ما الناس بتقول".
صديقات عمرو زكي
وأضاف خلال لقائه ببرنامج "سابع سما" الذي تقدمه الإعلامية راغدة شلهوب بقناة "النهار": "أنا بني آدم عندي أخطاء وعندي علاقات كتير جدا بس مش كلها غلط، وأنا حياتي كلها في النور، وعندي أصحاب كتير من البنات".
ندم عمرو زكي
وتابع: "أنا بطبيعتي بحب الحياة، ولو الحياة رجعت للوراء مكنتش هاخد خطوة أني أتجوز وأنا عمري 18 سنة لأني مكنش عندي خبرات في الحياة، والإنسان لازم يعيش الحياة علشان لما ياخد خطوة الجواز تكون عن قناعة وخبرة".
صورة منة فضالي
واستطرد: "صورتي مع منة فضالي في عيد ميلادها زعلتني لأن الناس فكرت ان فيه علاقة بينا واتجوزنا وده محصلش لإننا طول عمرنا اخوات، ومكنتش موافق ان الصور تتنشر، لكن أنا حياتي في النور، واللي عايز أقوله إنها كانت وقتها مخطوبة لواحد صاحبي ضابط".
وقال عمرو زكي نجم منتخب مصر ونادي الزمالك السابق، في حديث سابق:"ممكن أعيش مع ست بدون زواج، ومعنديش مشكلة، وأنا مرتبط دلوقتي".
العمل في النادي الأهلي
وتابع خلال الجزء الثاني من لقائه ببرنامج "العرافة" المذاع علي قناة "المحور":"لا يمكن أن أعمل في النادي الأهلي".
طليقة عمرو زكي
وأضاف: "لا يمكن أصالح مراتي الأولى واتجوزها من أول وجديد، لأنها رفعت عليا قضية وطلعت هاجمتني، أما مراتي التانية ممكن أرجعلها وانا بعتبرها بنتى التالتة".
كرامة عمرو زكي
ولفت: "ممكن أعيد تجربة التمثيل، وانا بطبيعتي انسان مسالم بس الا الكرامة بالنسبة أو ان حد يتكلم في أعراض معايا، وممكن أموت واحد لو جاء علي كرامتي خاصة في مسألة الأعراض".
دعم الخطيب
وأكد: "أقف في صف الكابتن محمود الخطيب رئيس النادي الأهلي ضد الكابتن مصطفى يونس، وكلنا بنحب الخطيب وحسن شحاتة".
وقال عمرو زكي نجم منتخب مصر ونادي الزمالك السابق:"عندي شركة بترول واتنصب عليا في 42 مليون جنيه".
تعرض عمرو زكي للنصب
وتابع: "الفلوس اللى اتنصب عليا فيها وحياة رحمة أبويا لأرجعها".
مطعم وكافيه عمرو زكي
وأشار: "أمتلك منذ عام 2008 مطعما وكافيه وحالتي المادية جيدة وأعيش في فيلا ولا صحة لما يتردد حول أني أعيش في عمارة ".
