حمو بيكا لـ هاني شاكر: كفاية تنمر.. أنا آه مش بعرف اقرا واكتب بس ربنا خلقني بقلب أحس بيه
استنكر مطرب المهرجانات الشعبي حمو بيكا، حالة التنمر التي تعرض لها عبر مواقع السوشيال ميديا، بعد إذاعة حلقته مع الإعلامية أسما إبراهيم، ببرنامج حبر سري.
حمو بيكا على فيسبوك
وكتب حمو بيكا عبر موقع التواصل الاجتماعي فيسبوك: يا جماعة ياريت نفهم إن أنا موجوع وتعبان، اتنـمر عليا مرة واثنين وتلاته ولسه فيه ناس بتنمر عليا، لحساب مين كل ده، انا بني آدم زي زيكم والله.
وقال: الأستاذ هاني حضرتك كنت في ندوة واتنـمر عليا وانت اخويا الكبير، وأنا مسامح والله، بس كفاية بالله عليك انا اه مش بعرف اقرا واكتب بس ربنا خلقني بقلب احس بيه، كفاية تجرحوني، مش كل واحد يبقى عنده سلطة يتحكم في البشر ؟!
حمو بيكا على فيسبوك
وأضاف: أنا من 5 سنين بعاني، بس هما شايفين ان إحنا مبسوطين وفرحانين، لا أنتم اللي مبسوطين لأن معاكم ومعاكم وعندكم كتير بس عمرنا ما بصينا ليكم، ليه لما يكون معايا حاجه تحسدوني عليها وعايزنيها؟، ده غير مرضي اللي بدفع فلوس كتير خلال شهر واحد.
وتابع حمو بيكا: حسوا بمشاعري، لو أخطأت في حاجه تعالى وحاسبني وعلمني الصح من الغلط، أنا فاتح بيت وعندي أسرة وعندي مسؤوليات كتير لا يعلم بيها إلا ربنا، أرجوكم كفاية.
واختتم: أتمنى تحكموا بينا بالعدل، وربنا سبحانه وتعالى قال: (وَإِذَا حَكَمْتُم بَيْنَ النَّاسِ أَن تَحْكُمُوا بِالْعَدْلِ)، كفاية تنمر عليا وافتكروا كلام ربنا، (يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ).
حمو بيكا يدخل في موجه من البكاء بحبر سري
وكان مطربا المهرجانات حمو بيكا وحسن شاكوش قد دخلال في نوبة بكاء بعد سؤالهما عن: ماذا سيكون رد فعلهما إذا ما تم منعهما من الغناء خارج مصر أيضًا، وذلك خلال لقائهما في برنامج حبر سري الذي تقدمه الإعلامية أسما إبراهيم.
وقال حسن شاكوش: لو امتنعت عن الغناء بره مصر، وقتها هحسبن، أنا أي حد يمنع لقمة عيشي برفع إيدي وبحسبن فيه إن ربنا يجبلي حقي، هما شايفني إيه هو إحنا حشرات.
ووجّه حمو بيكا رسالة لنقيب المهن الموسيقيين الفنان هاني شاكر، قائلًا: أنا يا أستاذ هاني بشر، بني آدمين، وربنا مش هيسيب حقي، الغنا ده حياتنا ومعندناش أي دخل، إحنا طول عمرنا كنا بنسمعك من وإحنا صغيرين، وحضرتك صوت مهم، وعلى دماغنا لكن حضرتك بتتنمر عليا.
